•● مـآيملـي عيون الحسود بهـالزمـن غير الترٍاب ™ •

[حنيني]

مدخــل ... } http://rooo99.com/vb/images/smilies/5.png


اي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب





http://www.s77.com/pic/data/media/236/7aM_57.jpg




₪ معلومات خفيفه عن الشـآعرٍ ₪


الأسم : حامد زيد سعدون فارس العازمي

مواليد 4 /فبرا ر/ 1977 للميلاد

الحاله الاجتماعيه : متزوج ولديه ثلاث بنات ( اسماء - ساره - ريم )

حاصل على شهاده دبلوم تجاري من كلية الدراسات التجاريه

عضو ديوانية شعراء النبط الكويتيه بدرجة شاعر ممتاز

موظف في وزارة الشؤون الاجتماعيه والعمل

[حنيني]

© أفضل قصـآئد حـامد زيد ©



الجمهره http://rooo99.com/vb/images/smilies/5.png


إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق عديت من فوق السحاب
لأن أكثر أصحابي ورق ماشفت للطيب إثمره
والله ماحطيت بين الحقدوالخوه حجاب
حتى غدوا ربعي يحدوني على الضيق أشكره
البارحه ثارت علي رقاب وأوتني رقاب
البارحه ياثقل دم البارح ويامحقره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي بـ أهجره
من يفتح لفرقاي باب أفك له عشرين باب
وأذا خويي مايقدر خوتي ما أقدره
عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره
أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمٍ ماتستحق المغفره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره
شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره
في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره

[حنيني]

عذبوها



عقب ما قابلتني عاتبوها ،،، وعلى شوف الحبايب حاسبوها
خذوها وابعدوها غصب عني ،،، وعن وجهة طريقي جنبوها
وشالوها عن عيوني غصيبه ،،، عواذل واغصبوني واغصبوها
خذوها من ايديني شوف عيني ،،، وعن عيني تعدوا واحجبوها
كلام وصدقوا بالبنت كذبه ،،، وهم اللي من أول كذبوها
وهم وش دخلهم في مال بيي ،،، لأبوها والخلايق طالبوها
وفيا ما تخون ولا تعاند ،،، جسوره وبالمواعيد ارعبوها
ملاكٍ كامله والكامل الله ... ولكن العواذل عذربوها
وهي كل ما دعتني تشتكي لي ،،، عن اللي سالفتنا سربوها
تخاف وتلتفت مع كل كلمه ،،، تظن ان العواذل راقبوها
تتلفت من عقب ماهي جريئه ،،، شجاعه ما تهاب وهيبوها
واهديها وانا حاير وثاير ،،، مصيبه يا عذابٍ عذبوها
وهم كل ما خذوها عن طريقي ،،، تراهم صوب قلبي قربوها
وانا ما تعبت قلبي خيانه ،،، خيانه رتبوها واحسبوها
ولا يعجز خفوقي لا يقابل ،،، جفا من حاربوه وحاربوها
وانا لي عزةٍ تفرض عليا ،،، اخاطب بالجفا من خاطبوها
واكسر لوحة الماضي وازيله ،،، واخربها مثل ما خربوها
واذوقهم ندم ما صار فيها ،،، واشربهم من اللي شربوها
وادلعها واولعها بنفسي ،،، واشرقها بعد ما غربوها
واعوضها عن اللي راح كله ،،، وعن ذيك الليالي كل ابوها
غلاها بالحشى لا زال ثابت ،،، ولو حتى بغيري حببوها
وغلاي بقلبها مر وتعدى ،،، وغلاها لأمها ولا لأبوها

[حنيني]

الثرٍيا




ليه تطعني وانا ميت بليا
ماكفاك الي حصلّي قبل ساعه
كن بين همومي وبينك حميا
جيتكم واحد وجيتوني جماعه
انت منا والمصايب من هنيا
كلكم ضدي ترى ماهي شجاعه
ما ابشع من جروح طعنات القفيا
غير سكينٍ تصيب بهاالبشاعه
لاتتوب ولاتذوب ولا تريا
جرحها جرح وفظاعتها فظاعه
ترتوي من فيض دمي والتفيا
و صار قلبي مثل اخوها بالرضاعه
وانت ليل لو ضويته مايضيّا
ضعت فيه وشفت نفسي في ضياعه
اتهيا وين ما اشوفه تهيا
وارسي بمرساه وشراعي شراعه
من عرفته والمحيا بالمحيا
ومايروح الا ذراعي في ذراعه
ان رضيت ارضيه وان عييت عيا
وان طلبني قلت له سمع وطاعه
ما عشقت من النجوم إلا (( الثريا ))
وماملكت من الكنوز إلا القناعه
وانت وجيوش الموادع والجفيا
كيف اوقف ضدكم وانتم جماعه
لوبجيكم بالشجاعه والحميا

البلا ان الكثره تغلب الشجاعه

[حنيني]

الحلـم


بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين

[حنيني]

غرام أحباب



على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني
صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني
عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني
أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني
تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني
تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني
وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني
ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني
أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني
زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني
غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني
إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني
أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني
سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني
عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني
أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني
وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني
وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

[حنيني]

التمثال


عفا الله عن غدر الظلوع والخناجر ابطال
بسامح واتركك في الظلام لحالك لحالك
دخيلك وفر دموعك ترا هدر الدموع ذلال
وترا ما فيه احد يصبر مثل صبري في غربالك
انا عيب علي انقض كلامي والرجال افعال
وان قلت ابقطع حبالك تراني ابقطع حبالك
عشان اكسب هدب عينك تجرعت العذاب اشكال
وليتك ترأف بحالي عشان ارأف بحالك
مسوي في حياتي شي ما يذكر ولا ينقال
حشى حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما اجيك متواضع جيتني تختال
معاك لمتى بصبر وصبري معك يحلا لك
مثل ما اقبلت لعيونك لزوم ترد لي بقبال
ومثل ما قد حشمتك حس واحشم قلبي اشوا لك
انا محدن بجابرني اساير معك هالمنوال
ترا لاني تبيع لك ولاني اصغر عيالك
انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت بضمى عاشق تعب يطرد سراب الال
انا جيت استفتز رضاك من فرقاك ولجالك
انا ما همت بك عاقل انا كنت اعشقك بخبال
انا ما كنت احبك حي انا كنت اعقشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك في قفاك وفي قبالك
ابي قلبك يحس انه فقد في محبته رجال
ملكته من هدب عين وخسرت رضاه بأهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك
بعد ما حققت عيني في بعدك لرقاد آمال
اعود للسهر ياخوي فال الله ولا فالك
ببدل نظرتك فيني واجي لك كل يوم بحال
بكون اقرب من ثيابك عليك ولا تهيى لك
بلمك وانثرك واجمعك وارجع وانثرك بهمال
ابخونك وازعلك وارضيك وازعل منك وارضا لك
ابرسم بالثرى وجهك وبدفن صورتك برمال
ابشكي للعرب فرقاك واضحك عند عذال
ابهديك الوصال فراق واهديك الفراق وصال
بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال حباً ما هو بهبالك
واذا قصدك تهين اسمي عشان تشمت العذال
حشى لا انتا ولا غيرك ولا عشره من اشكالك

[حنيني]

اربع خناجر

مشكله لا جت حاجتك في يدين البخيل
ما يفكك لين تدفع كثر ما تدفعه
ومشكله لا صرت مطعون في كفوف الدخيل
في ظهرك اربعه خناجر وفي الظهر اربعه
ومشكله لا ضاق بالوقت رجال ثقيل
يطلب احبابه وعيا زمانه ينفعه
ليت ربي ما يحاسب خليلاً من خليل
دام مال للحظ فزعه ولا للوجه اقنعه
ودام مال العذل تالي وما بالحيل حيل
الغلا سماً نذوقه ومراً نجرعه
نحتري فيه اللقى والحصيل هو الحصيل
مثل حلماً ما تحقق وعيت اقطعه
كني اللي حط الشفاة في الجمر المرير
لا قدر يرميه للناس وازرى يبلعه
والظروف اللي حدتني لنيران وفتيل
عرضت دمع المحاجر لشي يجزعه
والمدامع بالغلا لا تحال ولا تحيل
والمشاكل كل ما جت جات مجمعه
اعذلوني عن هوا النفس وعيوني تخيل
في حبيباً ما تركته ولا زلت اتبعه
مغرما في حب مثله ولا ارضى له بديل
عيني تشوفه وقلبي يجوع ويشبعه
ذاك كل ما زان بالي وطالعت النخيل
ما ذكرت الا ثباته بوقت الزعزعه
ما هو الا قطعة من حشى قلب عليل
وماني الا قطعة منه مخلوق معه
لا جميلاً شفت قبله ولا بعده جميل
العذارى رهن رمشه وانا رهن اصبعه
والله انه لو طلبني طلوع المستحيل
لأطلعه مني مناك يعني لأطلعه
ما علي من الملامه ولا هرج الهبيل
ما اشجع الرجال لا ثيره غيره ما اشجعه
في عيون اللي عشقني ولا حاني هزيل
الله اللي حط عشقه في قلبي وزرعه
لو سكت ينظق له الصم والدنيا تسيل
وان حجى لو يمشي المزن ياقف يسمعه
سلسبيل من شفاته يخالط سلسبيل
معمعه بسكات واحلى سكات بمعمعه
ما هقيت ان اكثر الليل يمرح بالجديل
لين شفته شوف عيني بكفه يرفعه
وان حييت وما بقا لي معه ليل
لأسهره بأول غروبه واموت بمطلعه
والله ان العشق جمره وطاحت بالشليل
وان حصل ما طاعك الوقت في احبابك طعه
منهو اللي عداي نكران الجميل
ومنهو اللي خان خلي وحاول يقنعه
كل عاذل ردني عنك يالطرف الكحيل
يا عسى الله يقلعه يا عسى الله يقلعه
يامعرض قلب الاحباب بالدرب الطويل
السعه لا بارك الله بالضيق السعه
والله ان الوقت قاسي وانا ماني ذليل
واشهد ان الرجل مرات ظنه يخدعه
وانتم تعذلون خفاق بعيون العديل
ما رحمتم نار جرحه وحيرة مدمعه
والسوالف ليلها ليل والحايل يحيل
والمشاكل مشكله مشكله متجمعه
مشكله لاخانك الوقت بالحمل الثقيل
لو زرعت الزرع هوج العواصف يشلعه
ومشكله لاصار عاذلك ما يبرد غليل
لا ترده طيب كلمه ولا احد يمنعه
ومشكله لا صرت مطعون بكفوف الدخيل
في ظهرك اربع خناجر وفي الصدر اربعه


وان شاءالله تعجبكم

واكون ماطولت عليكم

تحيتي

[قمر المدينة]

مشكوووووووووووووووووووووووووووووووووووووووووره ياالغلا
هذا احسن شاعر عندي تسلمين ع الطرح اللأكثر من رائع

[௮ąмѕť௮ąnąη]

ودك اليامن جاتك الغلطه من الناس القراب
الصاحب اللي ماكسبت محبته ماتخسره


اشعار حامد زيد روووووووووووووووووعه
افضل شاعر عندي صرااااحه
تسلمين حنون عالطرح الحلو

[حنيني]

قمر المدينة (http://azzyacool.com/vb/member.php?u=118)
العفوعمري منورتني ياالغلا
وانا بعد افضل شاعر عندي

[حنيني]

[] همسة حنان [] (http://azzyacool.com/vb/member.php?u=5)
يسلمو عمري منوره الموضوع
ياالغلا

[راما الحلوة]

تسلمين حنو

[حنيني]

http://www.up-00.com/azfiles/yG801913.gif (http://www.up-00.com/)



يسلمك ربي

منوره الموضوع

يا الغلا

[أحاسيس ملونه]

يسلم كاتبها وناقلها
يعطيك الف عاااااااافيه يالغلا

[حنيني]

يعافيك ربي خيتو

منوره الموضوع غلاتي

[رَوًٍحّ الـًـًٍـٍوٍرْدّ]

رووووووووووووووووعه يسلمو يا قمر

[حنيني]

يسلمك ربي خيتو

منوره الموضوع غلاتي

[فزولها 511]

يسلمو....
موضوع رووووووووووعه
بروعه صاحبته

[حنيني]

تسلمين يا قلبي

مرورك الاروع