شعر صحي من جوه ومن بره حصريا

[shosho.ahmed]

http://www.boswtol.com/2006/shababeek/images/94th/kamar_01.jpg




مين مننا ماتحلمش إن شعرها يبقى زي شعر البنات اللي في إعلانات الشامبو..

بلاش حقد.. أنا عارفة إن شعرهم صحي وبيلمع وبيخلي الواحدة مننا ماتبقاش طايقة تبص على شعرها "من حلاوته طبعا"..ههههههههه

لو عاوزة شعرك يكون كده يبقى إنتِ دخلتِ اللينك الصح

ما عليكِ غير إنك
7
7
7
7
7
7
7
7
7
7


تخليكي معايه

[shosho.ahmed]

مشاكل الشعر وحلولها

جفاف الشعر

http://www.boswtol.com/2006/shababeek/images/94th/kamar_02.jpg

الشعر الجاف ده مشكلة بتواجه كتير منكم وماباقصدش بالشعر الجاف الطبيعي، يعني اللي طبيعته بتكون جافة، لأ باقصد لما الشعر يكون عادي أو حتى دهني وفجأة يجف بدون أي مقدمات..



عايزين تعرفوا ليه؟



أسباب جفاف الشعر

الحقيقة فيه أسباب كتير زي استخدام كيماويات ضارة على الشعر زي الصبغات وشامبوهات مش قد كده أو مش مناسبة لنوع الشعر، ده بالإضافة لكثرة استخدام المكواة والسشوار.

وده غير السبب الأساسي اللي هو التغذية، لأن الشعر جزء من الجسم وتنعكس عليه حالة الجسم كله، يعني لو بتاكلي كويس يبقى شعرك بيتغذى، ولو بتاكلي أكل مش مفيد يبقى شعرك كمان هيبقى مش صحي خالص.

كما إنه من الضروري جدا تناول الأغذية المحتوية على زيت أوميجا 3 (موجود في الصيدليات)، ولزيادة الاحتياط ممكن تستشيري الدكتور وتطلبي منه إنه يكتب لك على فيتامينات تحتوي على زيت كبد الحوت لأنه بيعتبر وقاية ضد أي نقص غذائي.



طيب والحل يعني.. نعمل إيه؟

الحقيقة فيه شوية طرق لعلاج الشعر وهما دول اللي هنركز عليهم في كلامنا.


ماسك البيض

بللي جذور الشعر بالبيض المخفوق (بيضتان) بواسطة فرشة أسنان، وبعدين وزعي بقية البيض على أنحاء الشعر, ودلكي الشعر حوالي نص ساعة قبل ما تغطيه ببونيه الاستحمام حوالي ساعة وشيليه بعدها وسيبيه لغاية ما ينشف عليه البيض (نحو ساعة) وبعدين اغسليه بالشامبو والماء.

ماسك زيت الزيتون

معلقه زيت زيتون.
معلقه حبة البركة مطحونة.
صفار بيضة.

اخلطي جميع المقادير وحطيها على فروة الرأس وغطي شعرك ببونيه الاستحمام لمده ساعة على الأقل، وممكن مضاعفة الكمية لو ماكفّيتش. استخدمي الوصفة دي مرة كل أسبوع ولو عاوزة نتيجة سريعة استخدميها كل يوم وهتلاحظي مفعولها في تنعيم الشعر.


ماسك زيت السمسم

وده بتجيبيه من عند العطار وتفضلي تدلكي بيه شعرك بعد الحمام وتعملي بيه حمام زيت وده بيحول الشعر الجاف لشعر ناعم وصحي.

ماسك المايونيز

فيه بقى وصفة طبيعية ونتايجها فورية لعلاج جفاف الشعر، وهي أن تضيفي إلى مجموعة الزيوت اللي تفضلي استخدامها -ده بالإضافة لزيت اللوز وزيت الزيتون- ملعقة كبيرة من المايونيز، وتخلطيهم كويس قوي، وتحطيهم على شعرك لمدة ثلاث ساعات، وبعد كده تغسلي شعرك، وهتلاقي نتيجة سريعة وفورية.



الشعـر المتقـــصف

دي بقى شكوى معروفة جدا بين البنات.. ماتقعديش مع واحدة صاحبتك إلا وتقول لك عن الشعر المتقصف. وأسباب تقصف الشعر كتير جدا..

http://www.boswtol.com/2006/shababeek/images/94th/kamar_03.jpg

أسباب تقصف الشعر

أسباب تقصف الشعر هي هي أسباب ضعفه وجفافه، يعني برضه التغذية الغلط، والسشوار والمكواة الكتير، واستخدام أنواع مش مناسبة لشعرك من الكريمات والشامبوهات وكريمات الفرد.. بس بيضاف للأسباب دي عدم الاعتناء بيه وتعريضه للعوامل البيئية السيئة زي الجو الحر أو حتى البارد بدون ما يتبع التعرض ده أي نوع من أنواع الاعتناء. ده غير إن فيه سبب تاني مرضي بعد الشر عليكم وهو نقص نشاط الغدة الدرقية.

الحل؟؟

علشان إنتم متعودين مننا على الصراحة وعمرنا ما كذبنا عليكم قبل كده فلازم نقول لكم إن على الرغم إن فيه إعلانات كتير عن كريمات ومستحضرات تجميل لحل مشكلة التقصف إلا إنه للأسف مافيش حل لتقصف الشعر غير قص الأطراف المصابة من الشعر وبعد كده بييجي دور الاعتناء بيه اللي بيكون عن طريق الكريمات والزيوت.

الوقاية خير من العلاج

هو صحيح مافيش علاج لكن فيه وقاية من تقصف الشعر، وإنتم عارفين إن الوقاية خير من العلاج. والوصفة اللي معانا المرة دي سهلة خالص وهي إنك كل أسبوع تحطي مايونيز على أطراف الشعر وهو جاف وتسيبيبه لمدة ساعة عليه، وبعد كده تغسليه وتحطي عليه زيت اللوز اللي بيحافظ على تماسك نسيج الشعرة وابقي طمنينا على النتيجة.



شعر لامع

الشعر اللامع اللي بيبرق ده هو حلم كل بنت وست لكن للأسف بسبب العوامل البيئية والعوامل التانية زي التغذية والسشوار والحاجات اللي إنتم عارفينها، بتخلي تحقيق الحلم ده صعب، لكن مش مستحيل. والحل في الوصفات دي:

http://www.boswtol.com/2006/shababeek/images/94th/kamar_04.jpg

زلال البيض

زلال بيضة واحدة.
كوباية زبادي.

اضربي زلال بيضة واحدة مع كوباية زبادي وبعدين اغسلي شعرك بالشامبو، وبعدين دلكيه بالخليط اللي عملتيه وسيبيه 1/4 ساعة، وبعدين اغسليه بمية فاترة بالشامبو، وبعدين البلسم وابعدي عن الشامبوهات 2 في 1، وده لأنها بتؤدي لفقدان لمعان الشعر.


زيت جوز الهند

وده تجيبيه من عند العطار وتدهني بيه شعرك كل يوم بالليل، والصبح تغسليه بالشامبو والعملية دي كرريها يوميا وهتشوفي الفرق.


الليمون

وده يستعمل زي الخل في الغسلة الأخيرة للشعر.. تضيفي عصير ليمونة على لتر مية وتغسلي بيه شعرك.

أهم حاجة بقى علشان تحافظي على لمعان شعرك هو شرب المية بكثرة ودي نصيحة عامة لجمالك لأن المية هي اللي بتدي لشعرك الحيوية والجمال زي بشرتك بالظبط. وافتكري دايما إن الشعر الصحي هو اللي بيلمع، يعني شعرك هتبان عليه الصحة واللمعان لو هو صحي وكويس.



الشعر الأبيض

الشعر الأبيض دي مشكلة جامدة جدا وخصوصا لما بييجي في سن صغير. بس احنا نحب نطمنكم إن مش معنى كده إنكم عجزتم... بعد الشر، ده احنا قمرات وهنفضل قمرات .. الحكاية وما فيها إن الشعر الأبيض ده بيكون نتيجة لتلات حاجات..

http://www.boswtol.com/2006/shababeek/images/94th/kamar_05.jpg

عوامل وراثية

فيه ناس بيظهر فيها الشعر الأبيض ده مبكر وده بيبقى متوارث في العيلة، يعني تلاقي الأب كده أو الأم كده.

نقص الصبغة

وده بيكون نتيجة أمراض معينة وده ممكن تتأكدي منه عن طريق استشارة دكتور متخصص.

كثرة استخدام الصبغة

والسبب ده بيكون نتيجة استخدام أنواع الصبغات بكثرة، وكمان استخدامها بطريقة خاطئة علشان كده بتظهر المشكلة دي حتى في السن الصغير.

طيب والحل؟؟

ممكن تحاولي تغذي شعرك باستخدام الحنة على فترات متقاربة، بس من غير ما تضيفي ليها مواد كيميائية وده -إن شاء الله- يضمن لك إن الشعر ده يتغطى.

[...ZARA...]

يعطيك الف عااافيه عزيزتي ..

[shosho.ahmed]

مشكوره حبيبتي مرورك شرفني

[جموح العاطفه]

اشكرك ياااعمري معلومات مفيده

[راما الحلوة]

يعطيك العافية شوشو

[shosho.ahmed]

مشكوره مروركم نور موضوعي

[௮ąмѕť௮ąnąη]

مشكوووووووووووووووره شوشو
بجد انتي رهيبه

^__^





.

[Āѕнℓεч]

ثانكس حبيبتي

بس للأسف صعبين ما فيني أعملهم

[shosho.ahmed]

مشكوره حبيبتي مرورك شرفني

[• الًـًـًـسًلًطًٍـٍآטּٍـۃ •]

يعطيك ألف عااااافية على النصااائح الجميلة ...

شـكــ وبارك الله فيك ـــرا لك ... لك مني أجمل تحية .

[shosho.ahmed]

يسلملي مرورك يا قمر